Администрацијата на Вашингтон ја предупреди Москва да не ги соборува американските сателити по руските закани дека ќе ги таргетираат. Одговорот на САД дојде откако руски официјален претставник рече дека западните комерцијални сателити би можеле да станат легитимни цели.
„Само би рекол дека секој напад врз американската инфраструктура ќе биде проследен со одговор и одговор сразмерен на заканата што ја претставува нашата инфраструктура“, изјави во четвртокот директорот за комуникации на Советот за национална безбедност Џон Кирби.
Висок функционер на руското Министерство за надворешни работи претходно изјави дека комерцијалните сателити од Соединетите Американски Држави и нивните сојузници би можеле да станат легитимни цели за Русија доколку се вклучени во војната во Украина.
„Квазицивилната инфраструктура може да биде легитимна цел за одмазднички удар“, изјави Константин Воронцов, заменик директор на Одделот за неширење и контрола на оружјето на Министерството за надворешни работи, пренесува ТАСС.
„Зборуваме за вклучување на компоненти на цивилната вселенска инфраструктура, вклучително и комерцијални, од страна на САД и нивните сојузници во вооружените конфликти“, рече Воронцов во Обединетите нации.
Воронцов не спомна конкретни сателитски компании, иако милијардерот Илон Маск на почетокот на овој месец изјави дека неговата ракетна компанија SpaceX ќе продолжи да ја финансира украинската Интернет услуга Старлинк, наведувајќи ја потребата од „добри дела“.
Маск минатата недела изјави дека услугите Starlink на SpaceX не добиле никакво финансирање од Министерството за одбрана на САД. Терминалите Starlink во Украина ги користат и војската и цивилното население.
Пронајдете не на следниве мрежи:
