Ова може да биде работата од соништата за некого. Замислете да ве плаќаат да патувате низ светот, да гледате неверојатни места и да заработувате 90.000 евра годишно! Неверојатно, се согласувате? Вашата единствена задача би била да го следите семејството каде и да оди и да правите фотографии од нив.
Да, ова семејство нуди неверојатна можност да патувате на места како што се Формула 1 трките во Монако, Абу Даби, Марди Грас во Њу Орлеанс и Карневалот во Рио. Работата како личен фотограф на ова семејство почнува во февруари 2019 година и додека работите за нив, нема да треба да се грижите за храна, превоз или сместување, бидејќи сè е вклучено во понудата.
Целото ова патување ќе биде луксузно и ќе води кон егзотични дестинација ширум целата планета, бидејќи семејството планира да патува низ Европа, Америка и Австралија.
Работната понуда била објавена на Perfocal, каде што било објаснето дека семејството поседува голем број викендички и други резиденции. Но, иако изгледа како рајска понуда, сепак треба да имате на ум дека работните часови ќе бидат долги и можно е да не можете да уживате во секоја дестинација целосно бидејќи ќе мора будно да ги следите движењата на членовите на семејството. Во апликацијата пишува дека ќе треба да бидете подготвени да работите и до 10 часа на ден, за да направите богата колекција со фотографии.
Патувањата ќе бидат по неколку месеци, измеѓу кои ќе имате по неколку денови да поминете со вашето семејство, и исто така ќе треба да бидете подготвени да патувате во секој момент, и без да поставувате прашања – што можеби звучи малку чудно.
Но, секоја работа има позитивни и негативни страни, па истото важи и за оваа. Исто така, би имале 30-дневен одмор – денови кои вие би можеле да ги искористите кога сакате и како сакате, и вклучува целосна плата за време на боледување.
Па, ако сте вистинската личност за оваа работа, односно некој што има барем 5-годишно искуство во фотографирање животен стил, дефинитивно имате шанса да го разгледате 12-месечниот договор со нив во детали!
