Воен удар во Русија и падот на режимот на претседателот Владимир Путин ќе стане реална можност во следните 12 месеци поради воениот пораз во Украина и економскиот колапс предизвикан од санкциите на Западот!
Ова го тврди Абас Гаљамов, политички аналитичар и поранешен пишувач на говорите на Путин, кој во интервју за Си-Ен-Ен изјави дека граѓаните во Русија ќе бараат некој што ќе го обвинат за загубите на фронтот и влошувањето на животниот стандард.
Тиран и диктатор
- Воен удар станува возможен во Русија додека војната во Украина продолжува. Руската економија се распаѓа. Војната е изгубена. Се повеќе тела се враќаат во Русија, па Русите се соочуваат со се повеќе проблеми. Ќе се обидат да најдат објаснување за се што се случува, ќе погледнат наоколу и во политичките процеси, а потоа сами ќе си одговорат: „Сето ова се случува затоа што со земјата владее стар тиранин, стар диктатор“. Во тој момент ќе биде можен воен удар – изјави Абас Гаљамов за Си-Ен-Ен. Тој наведува дека тоа би можело да се случи во следните 12 месеци.
- За една година, кога ќе се промени политичката ситуација и кога шефот на државата ќе стане непопуларен, а војната ќе стане навистина непопуларна, а за неа треба да пролеат крв, државен удар станува реална можност – тврди Гаљамов.
Путин, смета тој, би можел да ги откаже претседателските избори што треба да се одржат во март 2024 година.
– Судејќи по неговите постапки, тој навистина би можел да ги откаже изборите. Без победа во Украина ќе се соочат со многу проблеми со Русите. На Русите не им треба ако не е силен и моќен – изјави тој за Си-Ен-Ен.
Судир на олигарси
Гаљамов работеше во тимот за пишување говор на Путин од 2000 до 2001 година, потоа повторно од 2008 до 2010 година. Од почетокот на инвазијата на Украина, тој стана еден од најжестоките критичари на шефот на Кремљ.
Пронајдете не на следниве мрежи:
