По вчерашните незапамтени врнежи од дожд во Белград, момче реши новонастанатата состојба да ја искористи на најдобар можен начин и заплива по улиците на Нов Белград.
Милан скокна во надојдената вода, по што се пошегува на Фејсбук.
“Поволно држам часови по пливање на Нов Белград, пријавување во инбокс“, напиша пливачот во коментари.
Во одделни делови на Белград од левата страна на Дунав вчера за еден час наврнаа 100 литри дожд на метар квадратен. Денес во најтешко погодените делови се работи на испумпување на водата од поплавените домови.