Утринава температури под нулата се измерени во целата држава. Најстудено е во Маврово каде температурата во седум часот била -15 степени. Во Крушево и Лазарополе се измерени -14 степени, во Берово -13, во Пожаране и Ѓуриште -11, во Крива Паланка, Скопје-Петровец и Тополчани -9, во Тетово и Прилеп -8, во Претор, Битола, Скопје на Зајчев Рид и Куманово -7, во Охрид, Штип и Виница -6, во Демир Капија -5, во Дојран и Струмица -4 и во Гевгелија -2 степена Целзиусови.
Во текот на денот облачноста ќе се намалува и ќе преовладува сончево време со мала до умерена облачност и со умерен северен и североисточен ветер. Максималната температура ќе достигне од -1 до 6 степени.
И во Скопје слично време со максимална температура до 3 степени.
За наредните денови синоптичарите најавуваат суво време, со ниски утрински температури и со умерен северен ветер. Дневните температури ќе бидат во благ, а од средината на следната седмица и во позначителен пораст.
