Иако дипломирала на Економскиот факултет, ја напушти работата за да може да ни се посвети на нас. Не е лесно да живееш со тројца мажи во домот. Од секогаш внимавала да ги воспита децата и да го зачува семејството, ова се само дел од пофалните зборови кои ги пренесуваат хрватските медиуми, а ги изјавил хрватскиот селектор Златко Далиќ кој во моментов е најсаканата личност во Хрватска.
Тој за хрватските медиуми вели дека со сопругата започнале од нула, биле момче и девојка кои сакале да направат нешто од животот.
-Се соочивме со многу успеси и падови, но секогаш тоа го пребродувавме, додава Далиќ.
Парот е во брак 25 години, а се запознале во средно училиште, тогаш Далиќ играл за Хајдук, додека со Даворка се гледале за време на неговите слободни денови.
Набрзо се земале, а од бракот произлегле двата сина Тони (25) и Бруно (20).
Инаку вечерва таа и синовите ќе бидат најголемата поддршка на хрватскиот селектор, мечот помеѓу Хрватска и Англија за влез во финалето се игра во 20 часот во Москва.
