Во четврток на 9- ти мај во 20 часот во кафе книжарница „Буква“ ќе се оддржи промоција на книгата „СК 2022: тактики на реидентификација”, дело на авторите Радмила Томовска, Ива Петрунова и Хекуран Мусли.

Оваа книга претставува сублимат на теоретски и проектански размислувања за одредени фрагменти во градот Скопје. Идејата на овој проект е водена од идејата за јакнење на врската помеѓу истражувањето и архитектонско-урбанистичката практика со цел да се зголеми квалитетот во полето на одржливоста и екологијата, како и да се создаде поголема врска со природата.