Во животот е важно да си опкружен со добри луѓе. Пријателството е едно од најголемите животни богатства, но не сите пријателства се добри и потребни. Токму тоа важи за овие три типови на пријателки кои не ви се потребни во животот, но внимавајте и вие да не бидете една од нив.
1. Озборувачки
Таа знае буквално сè за секој, но не знае да чува тајни. Дружењето со таква личност може да ви изгледа примамливо, бидејќи и вие ќе бидете запознаени со секакви информации, но многу се големи шансите и вашите разговори да не останат во тајност.
2. Постојано се жали
Повременото жалење на пријателка е сосема нормално и многу е убаво кога двете се чувствувате опуштено и можете да се пожалите буквално за сите проблеми. Но, ако тоа ви е единствена заедничка особина, време е да се здружите со нови пријателки. Константна негативност е исцрпувачка и непотребна.
3. Конкуренција
Мал пријателски натпревар не е на одмет. Меѓутоа, ако личноста од сè создава конкуренција и секогаш мора да ви докаже дека е подобра од вас, тогаш таква пријателка никако не ви е потребна во вашиот живот.
