Осомничениот бил убиен од Тајната служба неколку секунди откако тој наводно пукал кон бината каде што Трамп зборувал.Американските медиуми ги пренесуваат изјавите на поранешните соученици за 20-годишниот Томас Метју Крукс, кој беше убиен откако пукал во Доналд Трамп во саботата за време на предизборен митинг во Пенсилванија, меѓу другото наведувајќи дека не бил прифатен во средношколскиот стрелачки клуб затоа што не бил добар стрелец, како и дека бил непопуларен и осамен и трпел насилство од врсници.Крукс беше убиен од агенти на Тајната служба откако пукал кон бината каде Трамп зборувал во Батлер, Пенсилванија, во саботата.Двајца ученици во средното училиште Бетел Парк, на околу 50 милји од Батлер, во кое учел Крукс, изјавија за CBS News дека Томас не бил примен во стрелачкиот клуб на училиштето бидејќи не бил добар стрелец, а еден додал дека не се вклопувал.“На првиот ден од претсезоната, тој не можеше ниту да погоди цел. Никогаш не мислев дека е способен за тоа што го направи”, изјави Џејмсон Мајерс.Друг поранешен соученик го опиша Крукс како осамен млад човек кој издржал насилство од врсниците.Крукс е матурант во 2022 година на средното училиште Бетел Парк, според Питсбург Tribune-Review.Националната иницијатива за математика и наука му додели 500 долари, пишува весникот.Работел во кујната на локалниот дом за стари лица.Неговиот поранешен школски другар Џејсон Колер го опиша Крукс како осамено, непопуларно момче кое трпело насилство од врсниците, јавува Гласот на Америка.„Тој секогаш беше сам. Беше малтретиран цело време. Тој претрпе многу малтретирање“, рече Колер.Тој раскажуваше како Крукс седел сам за време на ручек и бил задеван од други деца затоа што често носел ловечка опрема и продолжил да носи маска по истекот на условот за маска поради Ковид.„Штом го погледнавте, знаевте дека нешто не е во ред“, додаде Колер.Од друга страна, Самер Баркли, која одела на училиште со Крукс, изјавила дека е „добро момче, има добри оценки, се интересира за историја и јавна администрација“, пренесува Би-Би-Си.Ројтерс не можеше веднаш да ги идентификува сметките на социјалните мрежи или други објави на Крукс.Мета, матичната компанија на Фејсбук и Инстаграм, не одговори веднаш на прашањата дали платформите отстраниле сметки поврзани со осомничениот.ФБИ го идентификуваше 20-годишниот Томас Метју Крукс од Бетел Парк, Пенсилванија како осомничен за обидот за атентат врз поранешниот американски претседател Доналд Трамп на предизборниот митинг во саботата.ФБИ верува дека Крукс немал соучесници.Осомничениот бил убиен од Тајната служба неколку секунди откако тој наводно пукал кон бината каде што зборувал Трамп.ФБИ соопшти дека работи на утврдување на мотивот на нападот, во кој Трамп беше застрелан во уво, еден учесник на митингот загина, додека две лица беа тешко повредени.Полицијата во неделата соопшти дека пронашла материјал за правење бомби во автомобилот на Крукс и неговиот дом и дека неговиот татко ја купил автоматската пушка што младиот човек ја користел кога се обидел да го убие Трамп.Државните гласачки записи покажуваат дека Крукс бил регистриран републиканец.Претстојните избори на 5 ноември ќе бидат првите на кои Крукс би бил доволно возрасен да гласа во претседателската трка.Крукс живеел околу еден час подалеку од местото на пукањето во Батлер и бил член на локалното стрелиште во Џеферсон Хилс, Пенсилванија, на околу 50 милји од местото каде што се случил атентатот.Кога имал 17 години, Крукс донирал 15 долари на политичкиот акционен комитет ActBlue, кој собира пари за левичарските и демократските политичари, според пријавата на Федералната изборна комисија од 2021 година.Донацијата беше наменета за Прогресивен Проект за излезност, национална група која ги обединува демократите да гласаат.