Словенечката министерка за надворешни работи Тања Фајон во Љубљана го угости својот турски колега Хакан Фидан со кого потпиша договор за стратешко партнерство меѓу двете земји.

Како што објасни министерката за надворешни и европски работи Тања Фајон на заедничката прес-конференција, договорот за стратешко партнерство ги потврдува многу добрите односи меѓу Словенија и Турција и ја одредува насоката на нивната идна соработка. „Активностите меѓу двете земји се зајакнуваат, особено на економски план, забележуваме дека нашата трговска размена расте, а турските компании се сè поприсутни на словенечкиот пазар“, рече таа.

Според неа, интензивна соработка меѓу двете земји се одвива и во областа на културата, науката и дигиталното образование, а постои заемен интерес за соработка во областа на заштитата и зачувувањето на културното наследство.

Потпишувањето на договорот го поздрави и Хакан Фидан, кој ја истакна добрата соработка меѓу двете земји и компаниите, на пример за проектот за изградба на втората пруга меѓу Дивача и Копер и за пробивањето на втората цевка од тунелот Караванка. , јавува РТВ Словенија.