Постапката за „Рекет“ ја води друго обвинителство кое е надлежно и не сакам да се мешам.
Ова го изјави специјалната обвинителка Фатиме Фетаи денеска пред почетокот на рочиштето за предметот „Титаник 3“ и додаде дека обвинителите од СЈО продолжуваат со својата работа.
-Еве денеска сме на судењето за „Титаник 3“, рече Фетаи.
Инаку, претходно, специјалната јавна обвинителка, Катица Јанева, не сакаше да ги коментира наводите на Фатиме Фетаи за тензичните случувања во СЈО.
Според информациите, обвинителката Фетаи жестоко се спротивставила на одлуката на својата шефица за претрес при влез и излез од работното место, поради што плукнала во една од надзорните камери во СЈО.
