Во свој настап на ТВ24 минатата недела, воочи одлуката на Уставниот суд да ја одложи расправата по повод Законот за јазици Петровски потсети на студентските протести од 1997 година кофа тогашната прогресивна македонска студенстска интелигенција, на истата тема предупреди што ќе се случи со државата ако продолжи разградувањето на образовниот систем и јазикот како кохезивен елемент на државата.
Видеото за само 5 дена е најгледано на Јутјуб каналот на ТВ24 во последните година дена. Детали погледајте подолу:
Подолу потсетување и на говорот на Филип Петровски од 1997 година во Парламентот во време на студентско-средношколските протести:
ПЛЕЈЛИСТА НАСЛОВЕНА: ШТО КАЖАВ ВО 1997
…Дами и господа, денеска е, ако не се лажам, дваесет и седмиот ден од студентските протести и единаесетиот ден од штрајкот со глад на дел од организациониот одбор. Во тој штрајк со глад сум и јас, така што ќе ми простите ако извесна слабост на моето лице се погледне или примети. Не затоа што говорам пред Вас како голем дом, како многу луѓе, туку затоа што штрајкувам со глад 11 дена. Ние очекувавме дека ќе говориме меѓу првите, па потоа дека ќе се јават 60, 80 луѓе кои што ќе не судат, нели такво сценарио предвидувавме, меѓутоа сеуште не е доцна откако ние ќе проговориме, говорам ние, затоа што говорам во името на сите што се надвор во Шаторот.
Не е доцна да се јават повторно дискутанти кои што ќе не разобличат и кои што ќе покажат на македонската јавност колку ние грешиме и колку ние не сме во право. Морам да нагласам уште еднаш дека ние во знак на протест, поради тоа што тројца од нас веќе паднаа, не сакаме тука да дојдеме, меѓутоа слушајки го говорот на Премиерот Црвенковски вчера, се одлучивме, сепак, да дојдеме тука и малку да реплицираме. Значи, уште еднаш да повторам, Ви се обраќам од името на организациониот одбор на протестот на студентите. Должен сум веднаш да Ви кажам дека меѓу нас постои големо недоразбирање. Ние не баравме расправа за меѓунационалните односи, како што стои во барањето на Владата за оваа седница. Ние знаеме дека Република Македонија не е, на пример, Европска унија или некоја конфедерација за да се зборува за меѓунационални односи.
Ние не баравме ниту расправа за меѓуетничките односи, како што раководството на Собранието ја насловило темата на денешната седница. Ние од Вас бараме во согласност со вашите надлежности да ги преземете сите потребни мерки во следниве наши барања: Прво, донесување на закон по итна постапка за престанување на важноста на Законот за јазиците на кои се изведува настава на…
Целиот говор е објавен во книгата на Филип Петровски – ЗА НАС. Погоре можете да ја преземете бесплатно.
Во неговата последна епизода Петровски го помести говорот од 1997 интегрално. И истовремено говореше на тема Закон за јазици, како и влијанието на протестите и студентите, тогаш и сега.
