Тројца бугарски државјани осомничени за шпионирање во корист на Русија се уапсени во Велика Британија, а властите во Лондон покренаа обвинение против нив во рамки на големата истрага за националната безбедност.

Ова го дознава Би-би-си, кој наведува дека бугарските државјани биле уапсени во февруари и оттогаш се во притвор.

They are due to go on trial at the Old Bailey in Januaryhttps://t.co/MSuSIJzkZS

— BBC Radio London (@BBCRadioLondon) August 15, 2023

Се вели дека станува збор за Орлин Русев (45) кој живеел во Норфолк, Бизер Замбазов (41) кој живеел во северозападен Лондон и Катрин Иванова (31) која живеела на иста адреса со Замбазов.

Тие се осомничени дека работеле за руските безбедносни служби, а кај нив биле пронајдени голем број лажни документи, меѓу кои пасоши и лични карти од Обединетото Кралство, Бугарија, Франција, Италија, Шпанија, Хрватска, Словенија, Грција и Чешка.

Се наведува дека бугарските државјани биле уапсени од детективи од единицата за борба против тероризмот на лондонската полиција.

Пронајдете не на следниве мрежи:

• 
• 
• 
• 
• 
• 

©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.