Пејачот Ален Исламовиќ (64) се прослави во бендовите ,,Дивље јагоде” и ,,Бијело дугме”, но помалку е познато дека своевремено го сменил името. Сепак, извор близок до Ален го откри неговото вистинско име – Алија.

– Кога се појавија Дивље јагоде, групата во која пееше Исламовиќ, челниците на поранешниот „Југотон“ дојдоа до идеја која на почетокот не му се допадна. Тие му предложија на Алија да почне да го користи уметничкото име Ален, со објаснување дека тоа звучи подобро и ќе добие поголема популарност кај публиката. Малку се двоумел, не сакал да го смени името, но брзо попуштил и ги следел советите на претпоставените. Денес речиси никој не знае дека вистинското име на Ален е Алија, бидејќи тој никогаш не сакал да зборува за тоа во јавноста – изјавил извор кој инсистирал да остане анонимен.

Исламовиќ пред неколку години потврди дека неговото вистинско име е Алија.

– Тоа е вистина. Нема ништо чудно во тоа, многу светски ѕвезди избираат друго име за да и’ се претстават на јавноста, обично некое што звучи попривлечно. Така беше и во мојот случај – изјави пејачот.