„Стратум работи политички рејтинзи подолго од една деценија еден долг период Стратум е релативно нова агенција на полето на партиски политички рејтинзи иако основачот не е нов во истражувачкиот свет значи основачот на Стратум е жена која е најдолго присуствува во истражувањето на Македонија“, изјави членот на ИК на ВМРО-ДПМНЕ Сашо Клековски во синоќешното гостување во емисијата „Заспиј ако можеш“ на Телевизија Алфа.
Според него анкетите треба да служат за да се прикаже какво е расположението на граѓаните и да не се користат за креирање на лажни перцепции.
Анкетата изработена од Стратум, а нарачана од „Фокус“, покажува дека внатрешните поделби во ВМРО-ДПМНЕ придонесоа за пад на рејтингот на опозициската партија, но и подобрување на рејтигот на владејачката СДСМ.
- Каневчев вели оти не знаеле дека Равманоски е шеф на криминален клан, Калајџиев е изненаден од жестината на нападите
- Официјално: Костадинов извести дека Струмица ја напушта ЗЕЛС
- Архива: Лозановска од ВМРО-ДПМНЕ обвини дека Фон дер Лајен дошла да ги стерилизира Македонците
- Не поминал основна обука за цариник, стана заменик-директор на НАЈВАЖНИОТ СЕКТОР во Царина!
- Свечено отворен Конзулатот на Република Србија во Куманово
За ВМРО-ДПМНЕ предводено од Христијан Мицкоски се изјасниле дека би гласале 10.1% од испитаните граѓаните додека пак за нова партија од ВМРО-ДПМНЕ предводена од Никола Груевски се изјасниле 9.2% од граѓаните.
Од друга страна, за СДСМ предводена од Димитар Ковачевски се изјасниле 15.8% од испитаниците и во вакви околности владејачката партија избива на прво место.
Ваквите резултати покажуваат дека од раздорот во ВМРО-ДПМНЕ директна корист има СДСМ, што пак може да се види и од рејтигот на политичарите, каде што повторно Димитар Ковачевски е политичарот со најголема доверба меѓу граѓаните.
На прашањето кој ви е омилен политичар, за Димитар Ковачевски се изјасниле 12.8% од граѓаните и води пред Никола Груевски за кого се изјасниле 11.1% од испитаниците, додека за Христијан Мицкоски се изјасниле 10.5% кој моментално е на третото место.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.