Поради огромните бранови во Црна Гора веќе едно лице загина, огромни бранови ги погодија карпите на плажата Плоче, а сега е објавено ново грозоморно видео од Црна Гора.

Претходно беше објавено видео од плажата во Црна Гора , кое ја шокираше јавноста, а на кое може да се видат луѓе кои инсистираат да влезат во вода, без разлика на огромните бранови кои удираат во карпите, и покрај тоа што црвените знамиња се во сила, што укажува дека пливањето е забрането и опасно.

Сега е објавено ново видео, снимено во Будва, а на него може да се види човек кого огромни бранови го собориле од карпите.

„Иако ситуацијата на море денес е многу покомплицирана поради зголемениот ветер и големите бранови, капачите не паничат поради истакнатото црвено знаме“, се наведува во описот на ова шокантно видео.

Да потсетиме, во заливот Траште, на карпите помеѓу заливот Пржно (Син Хоризонт) и населбата Марина во туристичкиот комплекс Луштица Беј во Кртоли кај Тиват, се случи страшен инцидент кога млад човек се удави во брановите. Во таа прилика три лица се повредени, најверојатно кога брановите ги фрлиле на карпите на брегот.

Инаку, УПСУЛ во вторникот имаше дури пет акции за спасување на капачите на Големата плажа во Улцињ, чии животи беа загрозени поради невнимание и непочитување на црвените знамиња кои беа истакнати на плажите за капачите поради предизвиканата опасност од големи бранови и силен јужен ветер.