Овој рецепт е за сите љубители на тестенини и приготвувањето на оброкот не бара многу труд.
Шпагети со печен лук и пармезан: Вкусен оброк што ги буди сите ваши сетила
Потребни состојки:
2 главици лук
6 лажици маслиново масло
500 грама шпагети
1 лажичка сол
½ лажичка бибер
30 грама рендан пармезан
¼ лажичка чили
малку свеж магдонос
Начин на подготовка:
1. Отстранете ги врвовите на главиците лук, ставете ги на хартија за печење и прелијте ги со лажица маслиново масло.
2. Печете го лукот еден час на температура од 200 °C.
3. Откако ќе се испечат, едната главица исцедете ја и исечкајте ја, а другата чувајте ја за подоцна.
4. Во тава, загрејте ги преостанатите четири лажици маслиново масло, додајте го исечканиот лук, а потоа додајте чили, сол и бибер.
5. По 2-3 минути, додајте ги сварените тестенини и исцедете ја другата главица лук.
6. Измешајте и гответе уште пет минути.
7. На крајот, додајте го пармезанот и исечканиот свеж магдонос.
