Српскиот тенисер Новак Ѓоковиќ изјави дека е задоволен од својот настап на Мастерсот во Шангај, додавајќи оти Италијанецот Јаник Синер бил подобар во денешното финале и заслужено ја освоил титулата.

„Задоволство е да се биде во Шангај, имав многу успеси на кинеско тло во текот на мојата кариера, не сум играл овде веќе пет години и ми недостигаше тоа. Му честитам на Јаник, беше предобар. Имаше исклучителна година и го заслужи ова“, изјави Ѓоковиќ по натпреварот.

Во финалето Ѓоковиќ загуби од Синер со 6:7, 3:6 и остана на четири трофеи во Шангај.

Српскиот тенисер првпат во кариерата беше поразен во финалето на Мастерсот во Шангај.

Синер ја освои својата седма титула оваа сезона, од која трета на мастерс турнирите