Откако мандатарот Христијан Мицкоски изјави дека заклетвата во Законодавниот дом по неговиот избор за премиер ќе ја даде со придавката „северна“, американската амбасадорка Анџела Агелер во интервју за „360 степени“ вели дека е воодушевена од најавата на Мицкоски.

„Воодушевена сум што го гледам тоа и го поздравив неговиот јавен настап од пред некоја вечер во кој рече дека ќе го почитува уставното име при заклетвата“, вели американската амбасадорка Анџела Агелер за најавата од Христијан Мицкоски дека в недела како премиер ќе се заколне со Северна Македонија.