Сакаме да имаме највисок можен праг на минимална плата, но ова може да се прилагоди со зголемување на работната ефикасност и продуктивност, како и со намалување на трошоците, а треба да се поврзе и со некои елементи што подразбираат зголемување на БДП, изјави денес претседателот на Стопанската комора, Бранко Азески.
Според Азески, за ова прашање треба да се разговара, сите три страни, работниците, владата и работодавачите, треба да седнат и да го најдат најдоброто решение.
„Можеме да одиме со какво било зголемување на минималната плата што нема да се исплати утре и тоа ќе донесе поголеми тешкотии за целокупната економија во земјата“, нагласи Азески, одговарајќи на прашање од новинари по посетата на АД „Реплек“.Тој е дециден дека бизнисот не може да функционира без работници и тие, рече, не треба да бидат маргинализирани, но во целиот процес, како што спомена, постојат и работодавачите и државата.
„Секој мора да го понесе својот дел од одговорноста. Само на овој начин може да се постигне ефикасен социјално-економски дијалог. Сакаме работниците да имаат повисоки плати, работодавачите да имаат поголем профит од државата“, нагласува претседателот на Комората.
Во врска со одлуката на владата за зголемување на квотата на странски работници во Македонија, тој рече дека ако образованието не испраќа кадри за потребите на бизнисот подолго време, ќе мора да увезуваме работна сила, рече Азески.
The post Азески: Мора да се разговара за минималната плата и да се најде најдоброто решение appeared first on Во Центар.
