На делегација од Република Грција предводена од алтернативната министерка за надворешни работи, Атанасиа Анагностопулу, која денес е во работна посета на земјава домаќин ќе и биде вицепремиерот задолжен за европски прашања, Бујар Османи.
Централната средба ќе се одржи во Секретаријатот за европски прашања, а во рамки на дводневната работна посета алтернативната министерка Анагностопулу ќе оствари средби и со премиерот Зоран Заев и со министерот за надворешни работи, Никола Димитров.
