Администрацијата на американскиот претседател Доналд Трамп ја заврши првата продажба на венецуелска нафта, вредна 500 милиони долари, потврди во среда функционер на администрацијата.
Службеникот, исто така, рече дека се очекуваат дополнителни продажби во наредните денови и недели.
Договорот прв го објави „Семафор“, вклучувајќи информации дека приходите од продажбата се чуваат на банкарски сметки, вклучувајќи една во Катар, кои се контролирани од американската влада.
„Претседателот Трамп посредуваше во постигнувањето на историски енергетски договор со Венецуела, веднаш по апсењето на наркотерористиот Николас Мадуро, што ќе им користи на американскиот и венецуелскиот народ“, изјави портпаролката на Белата куќа, Тејлор Роџерс.
Таа, исто така, изјави дека разговорите со нафтените компании од САД продолжуваат.
„Тимот на Трамп води позитивни, тековни разговори со нафтените компании кои се подготвени и имаат волја да направат невидени инвестиции за обнова на нафтената инфраструктура на Венецуела. Претседателот Трамп ја штити нашата западна хемисфера од експлоатација од страна на наркотерористи, шверцери на дрога и странски противници“, продолжи таа.
Договорот за нафта е првата продажба откако САД го соборија Мадуро, поранешниот претседател на Венецуела, претходно овој месец.
Трамп брзо наговести дека американските нафтени компании ќе бидат вклучени во искористувањето на богатите нафтени резерви на Венецуела по апсењето на Мадуро. Минатата недела, тој ги угости лидерите на бројни американски нафтени компании во Белата куќа.
The post Америка го продаде првиот пакет венецуелска нафта: Заработи 500 милиони долари, дел од парите завршија во катарска банка appeared first on Во Центар.
