Поранешниот министер Спиро Ристовски, кој е еден од осомничените како организатор на настаните на 27. април во Собрание во 2017 година, минатата недела на јавна седница бараше од судиите да му го укинат притворот и ги уверуваше дека нема да бега, ниту би влијаел на сведоци затоа што е уверен дека ќе ја докаже невиноста.
Апелациониот суд ја отфрли жалбата на ексминистерот Ристовски и го потврди решението на Кривичниот суд за продолжување на мерката притвор, потврдија од таму за ТВ “Телма“.
