Фудбалската репрезентација на Аргентина ја победи Мавританија со резултат од 2:1 во пријателски натпревар, а младиот Нико Паз ја искористи таа можност да го постигне првиот гол во својата репрезентативна кариера – и тоа каков гол!
Нико Паз е новото светско фудбалско чудо, а офанзивниот играч на Комо, кој вреди 65 милиони евра на само 21 година и има сезона од соништата, постигна фантастичен гол од слободен удар во 32-та минута.
Пред тоа, Енцо Фернандез ги доведе Аргентинците во водство во 17-тата минута, а потоа Паз се погрижи за најубавиот детаљ од натпреварот по половина час игра.
Nico Paz has magic in his left foot pic.twitter.com/LDyNNchQc8— WolfRMFC (@WolfRMFC) March 28, 2026
Голот на Паз не го остави рамнодушен ниту Лионел Меси, кој го гледаше овој потег на клупата и го награди својот соиграч со аплауз. Веројатно е наследникот на Меси во репрезентацијата на Аргентина.
До крајот на овој интересен пријателски натпревар, африканската репрезентација успеа да го ублажи поразот со голот на Џордан Лефорт и да стави крај на овој натпревар.
Инаку, синоќа низ целиот свет се одиграа пријателски натпревари, а меѓу најинтересните резултати се победата на Шпанија над Србија од 3:0, нерешениот резултат од 1:1 помеѓу Англија и Уругвај, како и победата на Германија над Швајцарија во одличен натпревар од 4:3.
Да нагласиме дека прогласениот шампион на Африка, Мароко, ремизираше со Еквадор во првиот натпревар откако Конфедерацијата на африкански фудбал им ја додели титулата шампион, иако во финалето беа поразени од Сенегал со резултат од 1:0. Да потсетиме дека на Сенегалците им беше одземена титулата бидејќи накратко го напуштија теренот во финалето, огорчени од судиските одлуки на нивна штета.
The post Аргентина има ново чудо: Се претстави со гол од слободен удар, Меси му аплаудираше (видео) appeared first on Во Центар.
