Дописникот на хрватскиот „Јутарњи лист“, Џино Колега, известува за весникот од Бангкок, каде што се урна облакодер поради разорниот земјотрес со јачина од 7,7 степени според Рихтеровата скала што го погоди соседен Мјанмар.
Добивај вести на вибер
„Улиците се полни со полиција и амбулантни возила, градот е во целосен хаос. Пешаците се засолнуваат од огромните облакодери, додека амбулантите и полициските возила се обидуваат да се пробијат“, посочува дописникот.
Според него, итните служби ги отстрануваат луѓето од станбените облакодери, во случај да се урнат, бидејќи еден облакодер во Бангкок веќе се урна веднаш по земјотресот.
„Ситуацијата е доста полоша поради тоа што во Бангкок сега е 14.30 часот и е страшно топло, околу 36 степени. Околу нашата локација има голем број интервенции бидејќи на многу луѓе им се слоши. Многумина во паника истрчаа од зградите, па немаат ништо со себе, дури ни телефон“, сведочи Џино Колега.
Мјанмар денеска беше погоден од разорен земјотрес со јачина од 7,7 степени според Рихтеровата скала.
The post Бангкок: Градот е во целосен хаос, на улиците возила на брзата помош и полицијата appeared first on 365.mk.
