Концертот во Киев што светски познатиот словенечки бенд Лајбах требаше да го одржи на 31 март е откажан поради, како што се наведува, ставот на бендот за конфликтот во Украина.
Овој социјално и уметнички ангажиран алтернативен рок бенд денеска за агенцијата СТА потврди дека организаторот одлучил да го откаже својот настап во недела бидејќи изјавата на Лајбах предизвикала премногу полемики во Украина.
- Ни секој петти во Македонија нема каде да се засолни во случај на напад врз државата?!
- Кина ни ги укина визите
- Орбан го кани Нетанјаху: Дојдете во Унгарија, гарантирам дека нема да Ве уапсиме
- ДЕНЕСКА СВ. АПОСТОЛИ ОД 70-ТЕ: Ераст, Кварт, Родион, Сосипатар и Терциј духовно војуваа, победија и зедоа венци на невенлива слава
- КАЛЕНДАР НА МПЦ: Денеска е Св. апостоли Олимп, Родион, Ераст, Кварт, Сосипатер и Терциј
ЛАЈБАХ ЗА КОНЦЕРТОТ:
„Не правете грешка, ние ја сакаме руската литература, музика и уметност. Но, во оваа бесмислена војна меѓу Русија и Украина, ние од се срце сме на страната на Украина и нејзиниот народ, кој – како во старата библиска приказна за Давид и Голијат – се борејќи се достоинствено против посилниот непријател“, објави меѓу другото бендот Лајбах, додавајќи дека со концертот во Киев го следеле повикот на срцето, а не на умот.
Во соопштението на оваа словенечка рок група се наведува дека биле соочени со категорично барање експлицитно да наведат дека „сите Руси се лоши и дека целата руска уметност е безвредна“, на што, како што велат, не можеле да се согласат.
„Не правете грешка, ние ја сакаме руската литература, музика и уметност. Но, во оваа бесмислена војна меѓу Русија и Украина, ние од се срце сме на страната на Украина и нејзиниот народ, кој – како во старата библиска приказна за Давид и Голијат – се борејќи се достоинствено против посилниот непријател“, објави меѓу другото бендот Лајбах, додавајќи дека со концертот во Киев го следеле повикот на срцето, а не на умот.
Локалниот организатор на концертот на социјалните мрежи објави дека настанот, кој требаше да се одржи во музичката сала Бел Етаж во Киев, е откажан поради жестока полемика за ставовите на бендот за тоа што ја предизвика војната во Украина.
„За да не ги поделиме Украинците во различни табори и да ја отстраниме причината за несогласувањата, решивме да го откажеме концертот на Лајбах во Бел Етаж. И покрај фактот што бендот изрази поддршка за Украина и Украинците и го осуди рускиот режим, значаен дел од публиката категорично се спротивстави на настапот на Лајбах“, објави организаторот на концертот на Фејсбук.
Украинците се поделени околу тврдењата на Лајбах дека војната во Украина е всушност геополитички конфликт меѓу Русија и САД на украинска територија.
Лондонски Гардијан цитираше еден од претставниците на овој словенечки бенд дека конфликтот во Украина е „цинична, прокси војна за геостратешките интереси на суперсилите и финансискиот капитал, особено на воено-индустрискиот комплекс“.
Лајбах требаше да биде првата странска група што ќе одржи концерт во Киев по руската инвазија на Украина во февруари минатата година.
Бендот Leibach најави концерт во главниот град на Украина минатата недела. Воедно најавија дека средствата од продажбата на билетите ќе ги донираат во хуманитарни цели.
Пред неколку дена на социјалните мрежи објаснија дека не доаѓаат во Украина за да бидат прва, втора или трета група што ќе настапи во Киев за време на војната, туку како јасен израз на поддршка за Украинците и земјата во оваа војна.
„Некои од нашите изјави, кои можеби не беа во согласност со вашето размислување, никогаш немаа намера да ве повредат на кој било начин или да ја намалат важноста на вашата праведна борба. Од првите денови на руската агресија против Украина, ние презедовме недвосмислена позиција и постојано кажавме дека нема место за војна во современото општество. Геополитичките прашања не можат да се решат со вооружен напад и политичко поттикнување. Исто така, веднаш ги откажавме сите планирани настапи во Русија и во сите интервјуа ја осудивме руската агресија во оваа војна“, изјави бендот.
Пронајдете не на следниве мрежи:
