Откако иранскиот ајатолах Али Хамнеи го нарече Доналд Трамп криминалец, се огласи и американскиот претседател и повика на директна промена на владата во Иран.
Во изјава за „Политико“, Трамп се осврна на изјавите на иранскиот лидер и рече дека е време за промена на владата.
„Време е да се бара ново водство во Иран“, рече тој.
Трамп, откако му беа прочитани коментарите, рече дека владетелите на Техеран се потпираат на репресија и насилство за да владеат.
„Она за што тој е виновен, како лидер на земјата, е целосно уништување на земјата и употреба на насилство на нивоа какви што не се видени досега“, рече Трамп.
Тој, исто така, повтори дека Хамнеи е виновен за стотиците убиени луѓе во Иран.
„За земјата да функционира – дури и ако таа функција е на многу ниско ниво – раководството треба да се фокусира на правилно водење на својата земја, како што правам јас со Соединетите Американски Држави, а не на убивање илјадници луѓе за одржување на контролата“, рече Трамп.
Конечно, американскиот претседател рече дека Иран е најлошото место за живеење.
„Тој е болен човек кој треба правилно да ја води својата земја и да престане да убива луѓе. Неговата земја е најлошото место за живеење во светот поради лошото раководство“, заклучи тој.
The post Белата куќа директно повикува на промена на режимот во Иран, Трамп го навредува Хамнеи: „Тој е болен човек“ appeared first on Во Центар.
