Во Битола изминатата вечер не се спиеше, навивачите до раните утрински часови ја прославуваа титулата освоена со победата во Скопје против Вардар од 30-32. На Вардар му беше доволен и бод на свој терен, но сепак Еурофарм Пелистер славеше победа и така започна едно големо славје.

Титулата за битолскиот клуб е трета во низа и вкупно деветта во клупската историја. Ракометарите со автобусот во Битола пристигнуваа околу еден часот по полноќ, па се славеше до зори.

Исто така за вечерва е најавена прослава од 20:00 часот пред Платото на Офицерскиот дом. Се очекува да се соберат неколку илјади фанови на битолскиот клуб.