среда, 18 ноември 2026
Најново

Бран на семејно насилство во главниот град – приведени тројца партнери на жени кои биле физички нападнати

Претпочитан извор Додај го Пулс24 во твоите извори на Google Додај

Во текот на едно деноноќие во Скопје се регистрирани три одделни случаи на семејно насилство, при што три жени пријавиле физички напади од нивните партнери. Полицијата информира дека осомничените се приведени, а против нив ќе следуваат соодветни пријави по целосно документирање на настаните.

Првиот случај бил пријавен на 12 февруари околу 17:50 часот во Кисела Вода. Полициски службеници извршиле службен разговор со 45-годишен скопјанец, откако било пријавено дека во семејниот дом физички ја нападнал својата 48-годишна вонбрачна партнерка.

ПУЛС24.МК - 14 ГОДИНИ

Неколку часа подоцна, на подрачјето на Центар, полицијата привела 52-годишен маж осомничен дека околу 17 часот физички ја нападнал својата 32-годишна партнерка.

Третиот случај се случил во раните утрински часови на 13 февруари во Чаир, кога 35-годишна жена пријавила дека околу 01:40 часот била нападната од својот 24-годишен партнер.

Од Министерството за внатрешни работи информираат дека сите случаи се процесуираат и се преземаат мерки за нивно целосно расчистување.

Поврзани вести