Британската кралица Елизабета Втора во неделата го слави 87 роденден, во тесен семеен круг, соопшти Бакингемската палата потсетувајќи дека денеска кралицата го слави својот вистински роденден, кој е различен од датумот на официјалната прослава на роденденот на британскиот монарх.„Кралицата својот роденден го минува во кругот на семејството“, соопшти портпаролот на Бакингемската палата. Елизабета Втора е родена на 21-ви април 1926 година.Официјалната прослава на роденденот на британскиот монарх има подвижен датум и главно се одржува меѓу крајот на мај и почетокот на јуни, најчесто се прославува втората сабота во јуни, за да може парадата како што е прочуената „Trooping the Colour” којашто се одржува во таа чест да се одржи по убаво време.Кралицата Елизабета Втора минатата 2012 година го прослави дијамантскиот јубилеј одбележувајќи ја 60-годишнината од доаѓањето на престолот по смртта на нејзиниот татко кралот Џорџ Четврти во февруари 1952 година.Елизабета Втора, така на британскиот престол е речиси 61 година, со што го надмина времетраењето на владеењето на кралот Џорџ III, кој владеел од 1760 до 1820 година. Сега единствено најдолго владеење пред актуелната британска кралица е периодот на кралицата Викторија која владееше и управуваше со земјата 63 години и 216 дена, така што доколку сè биде во ред, Елизабета II на 10-ти септември 2015 година ќе стане монарх со најдолго владеење во британската историја.Годинава за малку повеќе од еден месец ќе биде одбележана и 60-годишнината од нејзиното крунисување во Вестминстерската опатија на 2-ри јуни 1953 година. По тој повод во градините на Бакингемската палата од 11-ти до 14-ти јули ќе се одржат пригодни свеченост.Монархот на Обединетото Кралство и 15 земји од Комонвелтот е во брак со 91-годишниот принц Филип со кој има четири деца, од кои има осум внуци и двајца правнуци.
МакфаксБританската кралица Елизабета Втора во неделата го слави 87 роденден, во тесен семеен круг, соопшти Бакингемската пала