Бритни Спирс наскоро ќе ги објави своите мемоари „The Woman in Me“, придружени со аудио книга, а главен наратор е актерката Мишел Вилијамс.
Ова беше необичен начин пејачката да ги открие деталите од својот живот, а шокантните признанија на Спирс, до кои секојдневно доаѓаат странските медиуми, никого не оставаат рамнодушен.
Меѓу другото, Бритни во своите мемоари откри дека за време на врската со Џастин Тимберлејк останала во друга состојба, но дека решила да абортира. Имено, таа имала само 19 години, кариерата и цветала и во тој момент не била подготвена да се реализира како мајка.
“Тоа беше неочекувано, но за мене тоа не беше трагедија. Го сакав Џастин многу. Отсекогаш замислував дека двајцата ќе основаме семејство еден ден. Ова ќе биде само малку побрзо отколку што очекував”.
Нејзиниот тогашен партнер ја поддржал во оваа одлука.
„Тој рече дека сè уште не сме подготвени да имаме бебе, дека сме уште многу мали. Знам дека луѓето ќе ме мразат поради ова, но се договорив со него да не се породам во секој случај. Не знам дали тоа беше правилна одлука. Да се прашав себеси, никогаш немаше да го сторам тоа, но Џастин беше убеден дека не е подготвен да стане татко“.
Да потсетиме, славниот пар беше во врска од 1999 до 2002 година, а нивното раскинување во јавноста имаше многу сценарија. По повеќе од 20 години, Бритни во своите мемоари ќе открие бројни детали од нејзиниот контроверзен живот, вклучувајќи ја и врската со Тимберлејк .
Пронајдете не на следниве мрежи:
