Буданов ова го изјави на конференција одржана неодамна во Киев, како што јави украинската новинска агенција Интерфакс.

„2025 година, крајот на 2025 година и почетокот на 2026 година е клучно време за Русите. Тие сакаат да ја завршат војната дотогаш. Затоа што според нивните сопствени пресметки, освен ако не излезат од оваа војна на начин што може да се смета победнички, долгорочно, во следните 30 години Руската Федерација ќе го загуби статусот на суперсила кон кој се стреми“.

Според Буданов, Русија предвидува дека „летото 2025 година ќе започнат сериозни проблеми“, бидејќи тогаш ќе се здружат финансиските и економските фактори и општествено-политичките фактори. „Тие предвидуваат дека негативното влијание врз нивната економија ќе почне да биде многу забележливо околу летото 2025 година“, рече тој.

Буданов вели и дека во Русија сè почесто се поставува прашањето за мобилизација: „Во текот на летото следната година ќе се соочат со дилема: или да објават мобилизација или некако да го намалат интензитетот на непријателствата, што на крајот може да биде критично за нив“, рече тој. .

Шефот на разузнавањето додаде дека на јавното расположение во Русија влијаеле и напорите на Украина да ги префрли борбите длабоко на руска територија.

Цитирајќи руски документи, Буданов истакна дека ако Русија не победи, до крајот на 2025 година ќе останат само две суперсили во светот – САД и Кина – и нема да има место за Русија.

„Тие се свесни за тоа. Ова е клучен период за нив. Затоа ќе направат сè за да победат – како што тие тоа го поимаат. Во спротивно, ќе се откажат од апсолутно сите глобални процеси. Сè на што можат да сметаат е регионално лидерство, и тие не се задоволни со тоа“, рече тој.