Бујар Османи, вицепремиер за евроинтеграции побара од премиерот Зоран Заев во јавните настапи да не го користи зборот „метла“ затоа што тоа било компромитирачки за другите.
– Тоа претставува понижување и навреда не само за претставниците на ДУИ, туку и за другите партнери на коалиционата влада. Неприфатливо е да се користи таков термин, дури и кога станува збор за промени во државните функции – изјави Османи.
Премиерот Зоран Заев најави промени во сите државни ешалони, дури и во самиот СДСМ, но и во администрацијата затоа што смета дека таму се прават опструкции и не се даваат очекуваните резултати.
