Варшава и Киев основаа заеднички потфати за производство на оружје во Полска, но деталите за тие проекти остануваат тајна.Петар Лукасевич, вршител на работи на Украина во Полска, рече дека информациите за овие компании се чуваат доверливи.„3а жал, не можам да зборувам за тоа детално, но соработката веќе вклучува производство на дронови, поправка на тенкови, како и во областа на високата технологија“, рече Лукасевич, пренесува порталот „Интерија“.Одговарајќи на прашањето дека Германија произведува оружје заедно со Украина, дипломатот рече дека такви компании има и Полска, но нејзиното непосредно соседство со Русија не дозволува да се рекламира.– Некои земји најавуваат таква соработка како изградба на фабрика за воена опрема, бидејќи географски се далеку од Русија. А бидејќи не се во таква опасност, можат гласно да зборуваат за тоа. Многу сме блиски, па не зборуваме за тоа. Затоа, географијата е многу важна во овој контекст, нагласи тој.Русија смета дека испораките на оружје за Украина го попречуваат решавањето на ситуацијата, директно ги вклучуваат земјите од НАТО во конфликтот и претставуваат „играње со оган“. Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија. Според него, САД и НАТО директно учествуваат во конфликтот, вклучително не само со снабдување со оружје, туку и со обука на војници во Велика Британија, Германија, Италија и други земји. Кремљ соопшти дека испумпувањето на Украина со оружје од Запад не придонесува за преговорите и ќе има негативен ефект.