Голем пожар избувна во индустриската зона на Нижнекамск, во руската република Татарстан, по напад со беспилотни летала во ноќта меѓу 14 и 15 ноември. Според „Радио Слобода“, првичните анализи на снимките од очевидци го лоцираат пожарот во „Нижнекамскнефтехим“, еден од најголемите петрохемиски комплекси во Европа. Локалните власти потврдија штета во индустриската зона, но засега не соопштија кои постројки се погодени.
Комплексот е во сопственост на „Сибур“ и произведува синтетички каучук, пластика и етилен. Во истата зона се наоѓаат рафинериите „ТАНЕКО“ и „ТАИФ-НК“, чиј персонал, според „Радио Слобода“, бил евакуиран. Засега нема потврда дека рафинериите биле погодени во овој напад, ниту информации за обемот на штетата и влијанието врз производството.
Градоначалникот Радмир Белаев го опиша нападот како масовен и долготраен. Оштетена е и станбена зграда, чии жители биле евакуирани. Регионалните власти соопштија дека нема загинати и дека на повредените им се укажува медицинска помош, без да го наведат нивниот број. „Киев индепендент“ објави дека нема непосредна официјална потврда од Украина дека нејзините сили го извршиле нападот.
Пожарот во Нижнекамск следува по серија напади врз руската нафтена индустрија. Украинскиот Генералштаб на 12 ноември соопшти дека од 30 октомври украинските сили погодиле пет големи рафинерии, во Омск, Кириши, Рјазан, Нижни Новгород и Јарослављ. Киев пријави напади и врз рафинериите во Саратов и Новокујбишевск. „Ројтерс“ на 9 ноември објави дека по серијата напади повторно имало недостиг на гориво во најмалку шест руски региони.
One of the world’s largest petrochemical plants is going up in flames in Russia’s Tatarstan
Nizhnekamskneftekhim produces synthetic rubber and plastics. And as you can see, this is no small fire.
And here’s a reminder: just days earlier, Ukrainian forces struck five of Russia’s largest oil refineries — in Omsk, Kirishi, Ryazan, Nizhny Novgorod and Yaroslavl.
The refineries in Saratov and Novokuybyshevsk also came under attack.
— NEXTA (@nexta_tv) November 15, 2026
