Шпанскиот крал Фелипе Шести и кралицата Летиција за време на посетата на општината Паипорта, една од најтешко погодените од катастрофалните поплави неделава, беа дочекани од стотици гневни граѓани кои по нив фрлаа кал и извикуваа „убијци“.

Еден човек со шипка го нападнал кралот и останатите членови на неговата придружба. Тој замавнал неколку пати, по што полицаецот го совладал. Реагирало и обебзедувањето кое се обидело да го заштити кралот со чадор.

Жителите на шпанскиот регион Валенсија тврдат дека се чувствуваат напуштени од државата, а посебно се разочарани што според нив не била навреме издадена тревога да се напуштат домовите кога поплавите почнале да се засилуваат. Демонстрантите барале одговори зошто ништо не е преземено за да се избегне трагедијата во која загинаа повеќе од 200 лица.