На последната седница пред истекувањето на вонредната состојба, владата донесе Протокол за непречен транзит на странски државјани низ територијата на Македонија, одобри барањата за помош на фирми и донесе уредби за поддршка на ученици и студенти.
До целосна либерализација на режимот за влез и излез од земјава, странците ќе може непречено да транзитираат низ Македонија, но само користејќи ги граничните премини Табановце, Деве Баир, Богородица, Ќафасан, Блаце и аеродром Скопје. При транзитирањето низ Македонија нема да смеат да излегуваат од соодветниот автопат или локален пат и земјава мора да ја напуштат за 5 часа.
