Фото: Amazon
Кон крајот на минатиот месец, Amazon објави нова верзија на Alexa, што се очекуваше да биде надградена со употреба на големи јазични модели. Ова значително го проширува спектарот на можности на Alexa асистентот, овозможувајќи им на корисниците да прават многу повеќе од основните функции како пуштање музика или проверка на временската прогноза.
Сепак, со воведувањето на Alexa+, се јави и загриженост околу приватноста на корисниците. Со измена на политиката за приватност, Amazon престанува да овозможува опција корисниците да ги задржат своите разговори на уредот, без да бидат испраќани на серверите на компанијата. Сега сите разговори автоматски ќе се складираат на серверите, без оглед на желбите на корисниците.
Оваа новина важи за сите корисници, без разлика дали ќе се одлучат на платена верзија како Alexa+. Корисниците кои го користат Echo уредот за основни функции нема да можат да избегнат комуникацијата со серверот. Промената ќе започне од 28 март, а корисниците нема да можат повеќе да го оневозможат испраќањето на разговорите на серверите на Amazon.
Оваа одлука на Amazon наметнува прашања за иднината на приватноста кај дигиталните асистенти и како ќе се адаптираат корисниците на новите услови. Иако испраќањето на разговорите на серверите не значи дека автоматски ќе се врши злоупотреба, чувството на постојано следење со звучник кој слуша секој разговор создава нова димензија на употребата на ваквите технологии.
The post Влијанието на Alexa+ врз приватноста на корисниците appeared first on 365.mk.
