Како што информираат од Министерството за здравство во поликлиниките „Јане Сандански“, „Бит- пазар“ и „Ѓорче Петров“ ќе имаат дежурни лекари секој работен ден од 19:30 часот до 7:30 наутро, а за викендите ќе работат 24 часа. Причината за носење на оваа е зголемениот број пациенти заболени од морбили. На овие три места ќе се вршат комплетни прегледи со лабораторија на децата чии родители ќе се посомневаат дека можеби се заболени од морбили.
До сега на Клиниката за детски болести се евидентирани четири деца пациенти и осум заболени вработени кои предходно биле вакцинирани против морбили.
– Апелираме до сите родители, кои ќе забележат или ќе се посомневаат на првите знаци на болеста, висока температура, децата прво да ги однесат на овие три пункта. Во работните денови, родителите треба децата прво да ги однесат на матичен лекар, велат од Министерството.
