Во Германија се загрижени од доаѓањето на вториот бран на ковид-19

Поголемиот дел од Германците сè уште немале контакт со новиот коронавирус, според германскиот институт за контрола на болести, врз основа на резултатите од тестовите за антитела во крвта на донаторите.
Само 1,3 проценти од крводарителите имаат антитела на новиот коронавирус, според првичните податоци од билтенот на Институтот „Роберт Кох“.
Затоа, може да се појави нов бран на инфекцијата ако повторно се зголеми ширењето, рекоа авторите на извештајот од билтенот.
Присуството на антитела во крвотокот е знак дека некое лице е заразено со вирус што ја предизвикува болеста ковид-19.
Во април во Германија биле тестирани 11.695 примероци на крв од донатори. Резултатите покажуваат дека „веројатно мнозинството од населението сè уште не стапило во контакт со вирусот и сè уште е подложно на инфекцијата“, рече Лотар Вилер, директорот на институтот.
Сепак, тој истакна дека резултатите не се репрезентативни, бидејќи само здрави луѓе можат да бидат крводарители. Резултатите од студијата за антитела кај крводарителите во земјата ќе бидат објавени на секои 14 дена до крајот на септември.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.