Утрово околу 4 часот непознати лица фрлиле рачна бомба во дворот на Конзулатот на Русија во северниот дел на Атина. Според последните информации на кои се повикува грчката новинска агенција АНА-МПА, рачната бомба експлодирала и е предизвикана материјална штета, јави дописничката на МИА од Атина.
Засега никој не ја презел одговорноста за нападот, но не е исклучена можноста зад нападот да стои некоја од грчките терористичко- анархистички организации.
