Александар Протогеров, Кирил Прличев, Георги Баждаров биле дел од масонска ложа, додека за Тодор Александров, Ванчо Михајлов или за Гоце Делчев нема потврда дека биле масони, открива денес во гостување во „Тешки муабети“ професорот Никола Жежов.

– Мише Развигоров дури и на самата надгробна плоча има масонски симболи, слични има и на саркофагот на Гоце Делчев меѓутоа дел од тие симболи се и симболи на ВМРО, така што фактографски не е потврдено. Војводите кои биле дел од масонските ложи не биле таму од некаков престиж, туку бидејќи сметале дека преку тие врски ќе се издејствува побрзо осамостојување на Македонија, истакна професорот Жежов.