Кон крајот на август, после неколку месеци исчекување, во Америка ќе се сретнат војвотката од Сасекс, Меган Маркл и нејзиниот татко, Томас Маркл.
Ако може да се потпреме на информациите од британскиот магазин „Mirror“, Меган Маркл за тоа патување се подготвува сама, без својот сопруг, принцот Хари. На оваа посета исклучително се радува 74-годишниот татко на Меган, кој е поранешен директор за расвета во Холивуд.
Тоа би била првата средба на таткото и ќерката после неколку месеци, а особено после сѐ што се случи неколку дена пред нејзината венчавка на 19-ти мај, но и после тоа, кадешто Томас Маркл на крајот не се ни појавил за да ја испрати својата ќерка до олтарот, оправдувајќи се со здравствени проблеми.
Поради непријатната ситуација, кога во пресрет на венчавката ги продал своите фотографии на таблоидот, Томас Маркл наводно изрежирал срцев удар и операција, а од тогаш не престанува да дава интервјуа, особено за британските медиуми, во кои ја користи секоја прилика да го извалка образот на својата ќерка.
