Пороен дожд го зафати турскиот град Истанбул, поплавувајќи улици и подруми, а беше нарушен и железничкиот и водниот сообраќај. Во поплавен подвозник пронајдено е починато едно лице. Медиумите објавија и дека од дождот е поплавена и историската Капали Чаршија, комплекс со мали улички и голем број продавници. Властите го прекинаа превозот со траект преку Босфор, а укинати се и некои трамвајски линии.
