Во САД над 40 милиони луѓе останале без работа

Во САД минатата недела биле поднесени уште 2,1 милиони нови барања за добивање помош поради невработеност, соопшти Министерството за труд на САД.
Со ова, вкупниот број на луѓе кои од средината на март останале без работа поради коронавирусот се искачи на повеќе од 40 милиони, извести „Њујорк тајмс“.


Ова е осма недела по ред како се намалува бројот на нови пријави за финансиска помош по рекордот од 6,9 милиони во март за една недела, но нивното ниво и понатаму далеку го надминува историскиот максимум, пишува „Њујорк тајмс“.
Новите барања, оценува весникот, можеби не се исклучиво резултат на нови отпуштања и го наведува фактот дека државните агенции за вработување се затрупани со многу барања, па доцнат со нивно проследување до надлежните служби.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.