Колегите на полицаецот кој синоќа беше нападнат и искасан во центарот на Скопје го пронашле кучето-напаѓач во Вардариште, но тоа на себе немало ознака дека е вакцинирано. Заради тоа колегите биле приморани да се впуштат во нова потрага-овојпат по серум и вакцина антитетанус против беснило која искасаниот полицаец морал да ја прими итно. И на Инфективната клиника, како и во неколку други здравствени установи и аптеки им било кажано дека проблем со серумот и антитетанус вакцината има подолго време.
