Во Македонија времето ќе биде претежно сончево со умерена облачност. По котлините ќе има услови за појава на магла.
Утринската температура ќе се движи од минус 5 до 1, а дневната од 6 до 11 степени Целзиусови.
И во Скопје времето ќе биде сончево со умерена облачност. Утринската температура ќе се спушти до минус 3, а дневната ќе достигне до 6 степени.
Во следните денови следува период на претежно стабилно време со умерена до значителна облачност и со услови за појава на магла по котлините. Во западните делови повремено ќе има појава на слаб локален дожд, особено во вторник кога и облачноста ќе се зголеми. До средината на следната недела дневната температура ќе бележи постепен пораст.
