Александар Вучиќ, кој вчера ја потпиша својата оставка од функцијата претседател на Србија, денес ја предаде должноста на претседателката на Собранието на Србија, Ана Брнабиќ, која од денес ја извршува функцијата вршител на должноста претседател на Србија сè до распишувањето на претседателските избори.

Тој вчера поднесе оставка од функцијата претседател на Србија.

При таа прилика, тој ѝ ги предаде и сите важни документи, како и печатот.

– Со каква леснотија ја прифати должноста, а денес е и роденден на Ана – рече Вучиќ.

Брнабиќ потоа истакна дека е среќна бидејќи знае дека Вучиќ сега оди меѓу народот.

Потоа му се заблагодари на Вучиќ за неговата борба за Србија.

– Никогаш претходно сме немале таков претседател, ниту пак ќе имаме – човек кој беше толку пожртвуван и кој сè остави настрана заради Србија. Чест ми е што ја преземам оваа должност од таков човек – рече таа.

Брнабиќ му посака среќа на Вучиќ во неговата борба.

– Ќе ја чувам оваа функција со сето свое битие сè додека народот не избере нов претседател – рече таа.

– Цел живот се борев за укинување и против печатите, а сега го добив најважниот печат – рече Брнабиќ низ смеа, а на крајот додаде:

– Да живее Србија!