Претседателот на Србија, Александар Вучиќ, денеска изјави дека не е точно оти на Косово не функционираат српски институции и изјави дека функционираат двете најважни, а тоа се здравството и образованието, пишува РТВ.

Одговарајќи на новинарски прашања на почетокот на посетата на Подриње, тој рече дека утре ќе ја посети Косовска Митровица доколку тоа му го дозволат меѓународните сили. „Да отидам таму не е мој избор туку нивна одлука“, рече тој и додаде дека ќе оди не само во Косовска Митровица туку и во сите наши населби и села на Косово, пренесува Танјуг. Тој изјави дека е многу тажен и несреќен поради тоа што се случува на Косово и затоа што гледа дека некој не сака мир и додаде дека не сака да му даде шанса да учествува во прогонот и погромот на нашето население. Тој ги наведе бројките како позитивни дека на почетокот на новата учебна година во Косово, 1.081 прваче од вкупно 9.700 основци отишле во училишта кои работат според српскиот образовен систем. „Тоа не е мала бројка, со оглед на ситуацијата што ја имаме таму“, рече тој.