Претходно, Александар Вучиќ изрази загриженост дека доколку утре се одржи референдум за прием на Србија во ЕУ, 44 отсто од жителите би гласале против, а само 35 отсто би гласале за.
„Има голем пад на популарноста на Европската унија не само во Србија, туку и во Северна Македонија“
Српскиот претседател Александар Вучиќ на Светскиот економски форум во Давос во средата рече дека популарноста на идејата за влез во Европската унија опаѓа и во Србија и во Северна Македонија бидејќи земјите кандидати не се чувствуваат почитувани од Брисел.
„Има голем пад на популарноста на Европската унија не само во Србија, туку и во Северна Македонија“, рече тој. „Прашањето е како луѓето би гласале сега.
„Вреди да се размисли зошто е тоа така. Ако ова е наша вина и вина на Македонците, тогаш мора да е вина и на некој друг, или земјите-членки или Брисел“, продолжи тој. „Ако сакаме да се движиме кон ЕУ, потребен ни е билатерален пристап, мора да чувствуваме почит.
Вучиќ рече дека не треба да се бара од Србија да ја менува својата политика секој ден. „Ние сме благодарни за субвенциите и поддршката, таа е огромна и знаеме како да ја цениме“, рече тој. „Но, не треба секој ден да кажувате во замена за она што сте го направиле: Признајте го Косово, воведете санкции кон Русија. Смирете се луѓе, ние имаме своја земја, свои интереси“.
Српскиот претседател рече дека ставот на ЕУ во однос на Украина и Србија е лицемерен бидејќи Западот и го одзеде Косово на Србија, но по секоја цена го штити територијалниот интегритет на Украина. „Се сеќаваме што се случи пред 23 години“, рече тој. „Тогаш територијалниот интегритет на Србија не беше многу важен.
Претходно Вучиќ во интервју за германскиот весник „Ханделсблат“ изрази загриженост дека доколку утре се одржи референдум за прием на Србија во ЕУ, 44 отсто од жителите би гласале против, а само 35 отсто би гласале за. Тој ги објасни овие чувства со тоа што Србите слушаат само едно од ЕУ: Земјата мора да го признае Косово како независна држава. Многу Срби се уморни од ова бидејќи гледаат сосема поинаков пристап на западните сили во Украина и се чувствуваат како да се применуваат двојни стандарди, рече Вучиќ. Претседателот изрази надеж за поддршката на германскиот канцелар Олаф Шолц за пристапот на Србија во ЕУ.
Претходно директорот на социолошкиот центар Ипсос во Србија, Марко Уљаревиќ, во интервју за весникот Блиц ги објави резултатите од истражувањето на јавното мислење. Според Уљаревиќ, нивото на поддршка за пристапување во ЕУ во Србија опаѓа, со 34,9 отсто од испитаниците за, а 43,8 отсто против. Тој рече дека тоа е поради притисокот од Западот и барањето за воведување санкции кон Русија.
Пронајдете не на следниве мрежи:
